🚨 भिम आर्मीची तात्काळ कारवाईची मागणी; वादग्रस्त वक्तव्यांवरून आंदोलन रोखण्याचा इशारा.!!!!!!!!

पुणे – भीम आर्मी महाराष्ट्रच्या वतीने वादग्रस्त वक्तव्ये करणाऱ्या लोकप्रतिनिधींवर तात्काळ कारवाई करण्याची मागणी करण्यात आली आहे. यासंदर्भात पश्चिम महाराष्ट्र अध्यक्ष आय. टी. शेख यांनी पोलीस व निवडणूक प्रशासनाला लेखी निवेदन दिले आहे.

निवेदनात असे नमूद करण्यात आले आहे की, आमदार गोपीचंद पडळकर आणि संग्राम जगताप यांनी सार्वजनिक कार्यक्रमांमध्ये केलेली वक्तव्ये समाजात तणाव व असंतोष निर्माण करणारी आहेत. या वक्तव्यांमुळे कायदा व सुव्यवस्थेचा प्रश्न निर्माण होण्याची शक्यता व्यक्त करण्यात आली आहे.

तसेच, ०८ एप्रिल रोजी सासवड व इतर ठिकाणी आयोजित करण्यात आलेल्या “हिंदू जन आक्रोश मोर्चा” व संबंधित रॅलींवर तात्काळ बंदी घालावी, अशी मागणी करण्यात आली आहे. अशा प्रकारच्या मोर्चांमुळे सामाजिक सलोखा बिघडण्याची शक्यता असल्याचेही निवेदनात नमूद करण्यात आले आहे.

भिम आर्मीच्या वतीने प्रशासनाला आवाहन करण्यात आले आहे की, संबंधित लोकप्रतिनिधींवर स्वतःहून (suo motu) कठोर कारवाई करण्यात यावी, तसेच भविष्यात अशा प्रकारच्या कार्यक्रमांना परवानगी देऊ नये.

दरम्यान, जर हे मोर्चे पार पडलेच, तर नागरिक म्हणून त्यास शांततामय व कायदेशीर मार्गाने विरोध करण्यात येईल, असा इशाराही देण्यात आला आहे.

प्रशासनाने या प्रकरणाची गांभीर्याने दखल घेऊन तातडीने योग्य ती कारवाई करावी, अशी मागणी शेवटी करण्यात आली आहे