🔴 ज्ञानेश्वर जाधव यांच्याकडील खातेनिहाय चौकशी अधिकारी पदाचा अतिरिक्त पदभार रद्द

पुणे महानगर परिवहन महामंडळात आदेश बदल; श्री. ज्ञानेश्वर जाधव यांच्याकडील अतिरिक्त पदभार काढला

पुणे (दि. २४ फेब्रुवारी २०२६) : पुणे महानगर परिवहन महामंडळ (PMPML) येथे कार्यालयीन आदेश क्र. ३४२१ द्वारे महत्त्वाचा निर्णय जाहीर करण्यात आला आहे. या आदेशानुसार, विधी अधिकारी श्री. ज्ञानेश्वर जाधव यांना यापूर्वी देण्यात आलेला खातेनिहाय चौकशी अधिकारी या पदाचा अतिरिक्त पदभार काढून घेण्यात आला आहे.

संदर्भातील पूर्वीच्या आदेशानुसार श्री. जाधव यांच्याकडे अतिरिक्त जबाबदारी सोपविण्यात आली होती. मात्र मा. अध्यक्ष व व्यवस्थापकीय संचालक यांच्या दिनांक २४/०२/२०२६ रोजीच्या आदेशानुसार हा अतिरिक्त पदभार रद्द करण्यात आला असल्याचे स्पष्ट करण्यात आले आहे.

सदर आदेशावर सहव्यवस्थापकीय संचालक यांच्या स्वाक्षरीने शिक्कामोर्तब करण्यात आले असून संबंधित विभागांना त्यानुसार पुढील कार्यवाही करण्याचे निर्देश देण्यात आले आहेत.

या निर्णयामुळे महामंडळातील प्रशासकीय कामकाजात काही बदल होणार असून संबंधित विभागांमध्ये नव्याने जबाबदाऱ्या वाटप केल्या जाण्याची शक्यता व्यक्त होत आहे.