🔬 प्रज्ञा प्राथमिक विद्यालयात विज्ञानाचा आविष्कार; विद्यार्थ्यांच्या १२२ कल्पक प्रयोगांनी वेधले लक्ष!!!

प्रज्ञा प्राथमिक विद्यालयात विज्ञानाचा आविष्कार; विद्यार्थ्यांच्या कल्पक प्रयोगांनी वेधले लक्ष!

हडपसर (प्रतिनिधी):

येथील नवचैतन्य मित्र मंडळ संचालित, प्रज्ञा प्राथमिक शिक्षण विद्यालय (आदर्श नगर, फुरसुंगी) येथे ‘राष्ट्रीय विज्ञान दिनानिमित्त’ भव्य विज्ञान प्रदर्शनाचे आयोजन करण्यात आले होते. बालवाडीपासून ते नववीपर्यंतच्या विद्यार्थ्यांनी आपल्या कल्पकतेने १२२ हून अधिक प्रयोग सादर करत उपस्थितांची मने जिंकली.

विशेष आकर्षण ठरलेल्या ‘रोबोट’च्या हस्ते प्रदर्शनाचे आगळेवेगळे उद्घाटन करण्यात आले.

बालवाडी (२५ प्रयोग), प्राथमिक (७० प्रयोग) आणि माध्यमिक (२७ प्रयोग) अशा तीन गटांतून विद्यार्थी सहभागी झाले होते.

यामध्ये सौर ऊर्जा, स्मार्ट स्ट्रीट लाईट, आरोग्य व्यवस्थापन, लेझर शो, शेतीसाठी उपयुक्त आधुनिक अवजारे, हवेवर चालणारी गाडी आणि सूक्ष्मदर्शक यांसारख्या विषयांवर विद्यार्थ्यांनी मॉडेल्स सादर केली.

यावेळी संस्थेचे संचालक श्री. संगम गायकवाड,सौ. मीनाक्षी सुरवसे, श्रीमती राजश्री कांबळे, मुख्याध्यापिका सौ. कविता बडेकर आणि मोइनी फाउंडेशनचे श्री. नितीन राठोड उपस्थित होते. श्रीमती प्रज्ञा बडेकर यांनी विद्यार्थ्यांना ‘विज्ञान प्रतिज्ञा’ दिली.

हा कार्यक्रम यशस्वी करण्यासाठी विज्ञान प्रमुख सौ. अर्चना ताजणे, श्री. राहुल तोरडमल, श्रीमती प्रज्ञा बडेकर आणि श्री. कैलास जाधव यांनी विशेष परिश्रम घेतले. कार्यक्रमाचे सूत्रसंचालन श्री. ऋषिकेश पळसे व सौ. गुरव मॅडम यांनी केले तर आभार श्री. कैलास जाधव यांनी मानले.